Hjálp!!! Björgum bönkunum!!!

Það er búið að glymja í eyrum smáborgaranna að það þurfi að bjarga bönkunum. ÁTJÁNKOMMASJÖMILLJARÐARA hagnaður hjá Glaumþingi sem hefur örugglega myndast í erlendum viðskiptum ... kannske smá hagnaður af þjónustugjöldum. Þeir eru líka búnir að hagræða hrikalega síðan á áramótum, segja upp svona 29 starfsmönnum á mánuði, það telst jú ekki hópuppsögn hjá svona stóru fyrirtæki nema sagt sé upp 30 eða fleiri í einu.... Ó þetta er líklega tóm öfund hjá mér, hagnaðurinn er víst minni en á sama tíma í fyrra, en buddan mín er í uppnámi vegna Bólgumóra... verð ég að segja upp Mogganum og hætta að lesa minningagreinar eða hætta alveg að kaupa bensín á bílinn en birgja mig í staðinn upp af bóni á tilboði hjá N1,,,,, tveir fyrir einn af útrunnu bóni og standa úti á hlaði í sumar og bóna (já takið af ykkur skóna,,,, hvað ertu' að bóna....GAS GAS).

Ég neita að taka þátt í að bjarga bönkunum, þeir geta haldið áfram að hagræða með uppsögnum á forstjórum..... Hreiðar komdu að bóna!!

Hagnaður Kaupþings 18,7 milljarðar króna

Athugasemdir

[haraldurhar, 30.4.2008 kl. 23:52]

   Sæll Raggi.  

   Hefur þú gert þér grein fyrir því að hagnaður að rekstri Kaupþings á sl. ársfjórðungi nemur næstum því jafnhárri upphæð og heildartekjur Landsvirkjuna á sl. ári.  Árangur Kaupþings er að mínum dómi afargóður, ef tekið er tillltit til aðstæðna á fjármálamörkuðum í dag.

   Það versta er gæti komið fyrir okkur sem þjóð er að bankarnir renni út á lausafé, og þurfi að selja eignir sínar á hrakvirði. Starfsemi þeirra er okkar langmikilvægasta atvinnugrein til öflunar tekna í þjóðarbúið.

[Erna Bjarnadóttir, 1.5.2008 kl. 11:12]

Já ekki viljum við að Glaumþing fari á hausinn en er samt ekki vel í lagt að halda fram að þeir séu bjargarþurfi, mér sýnist þeir vera bjargálna. Þeir notuðu hátt vaxtastig hér á landi til að draga að erlent lánsfé, þessi fylgdi auðvitað áhætta sem þeir áttu að taka tillit til

[Björk Jónsdóttir, 4.5.2008 kl. 18:15]

Hæmm ég ætla ekki að vera að tala um Kaupþing en ég ætla bara að segja þú ert frábær bloggari um svona málÞú ert enginn bófiEn þú ert samt pabbi minn og ert skemmtilegurhihi